- 63 -
1426 (prawdopodobnie).
Ołomuńczanie interweniuj± u księcia Ludwika II., pana na Legnicy i Brzegu, w sprawie ludzi, którzy, podejrzewani o współpracę z husytami, uwięzieni zostali w Legnicy etc.
— Duci in LigniczLegnica. Hochgeborner furste etc., als ewre durchleuchtikeit uns iczund zuschreibt, wie die lewte, die unsere brieff gehabt haben, des herren Peters lewte von Prostans awsgegeben haben, das sie solden rechte ketczer sein und den ketczern zufuren, dorum in ewer gnade burger zur Lignicz ir gut gehempt und sie gefangen haben, sunder turst wir dorumb daz rechte thun als recht ist, so wolt ewre hochmechtikeit heissen widerkeren, was noch do were etc., haben wir wol vernomen, geruhe ewre gnade wissen, das wir zu hant als sie norPewnie chodzi o: uor gehempnet warden mit leib und gut, geschrieben haben dem edlen ewern gnaden hauptmann zur Lignicz und auch dem ersamen rate doselbst zur Lignicz, wie die selbiger lewte, sie mit namen nennende uns und nicht den ketczern ware zufurten, das uns billichen gelawbt solt sein, wann wir, ab got wil, ungern vor solch lewte, die die ketczer furderten, schreiben ader reden wolten, sunder liber sie echten und hindern noch unserm ganczen vermogen, als das, ab got wil, vil framen wissentlich ist, wie wir mit gotes hulfe wider die ketczer und ire forderer gestanden sein, leib und gut nicht sparunde, wider das, ob got wil, nymant mit der warheit gereden mag. Wir haben auch zu rede gesatczt all unsre mitburger ader mitboner, die zur Lignicz yczund gewesen sein, ab sie ymand also, als ewern gnaden gesagt ist, awsgegeben hett, die sprechen bei iren guten trewn und eren, das sie nichtes davon wissen, sunder hette das ymant uf iren slag getan, das wer in gar leidt, und des wolden sie doch nicht entgelden. Hierumb dermanen wir ewre furstenliche gnade der hoch getrawund und bitunde mit fleissigem gebete, ewre grosmechtikeit geruche nit uns nicht awsredung in sachen, der wir unschuldig sein, wan wir ewern gnaden und den ewern willigen zu dinen sein mit unserm ganczen vermogen.